Vit arbeiða í løtuni við at uppstiga tunniskipanina og umleggja til nýggju SCADA skipanina IGSS. IGSS er ein donsk SCADA skipan, veitari er Schneider-Electric. Tá uppstiganin er liðug, fevnir hon um Hovstunnilin, Norðskálatunnilin, Leynatunnilin og Viðareiðstunnilin. Flestu SCADA skipanir hava nokk so ein funkur, men IGSS hevur m.a. eina innbygda app, ið kundar kunna brúka til at yvirvakja skipanina við, t.d. við brúk av snildfon. IGSS er eisini sera brúkaravinarligt og er lætt at tilpassa øðrum skipanum vit hava gjørt. Tænasta og hjálp annars er smidligari tí talan er um eina danska skipan.